(¸.•'´۩۞۩ اسيــــاد الياهو ۩۞۩`'•.¸)

IRAQ THE LOVE


    عتاب بين حبيبــــــــــــين

    شاطر
    avatar
    devil

    المساهمات : 32
    تاريخ التسجيل : 05/09/2010

    عتاب بين حبيبــــــــــــين

    مُساهمة  devil في الإثنين سبتمبر 06, 2010 10:41 pm

    هي / هزني الشوگ
    عالموعد اتانيك ..
    وأعد بيدي الدقايق
    وحده وحده ..
    وحده .. اثنين ..
    هاي الثالثة تروح ..
    اتاني وصار هالموعد اشبعده
    نمت حسبالي
    اشوفك بالحلم جاي ..
    وگلت دمعاتي احطهن وسط خده

    هو / نمتي .. هنيالچ غفيتي ..
    وآنة ليلي يمر على
    عيوني صبح
    الينيَّم وردة ويمسد عليها..
    مو مثل ليلولي وينيم جرح .. !!
    والغفه ابكلمة محنه ..
    مو مثل الينام وبعينه ملح ..!!

    هي / لا حبيبي ..
    آنه هذا الليل من يمرني دمعة..
    وحزن.. واشواگ .. وحنين
    آنه عيني عليك ما بطل دمعها ..
    تبچي ما تسكت العين ..

    هو / لا .. لا تبچين ..
    امسحي دمعتچ
    وارجوچ لا تبچين ..
    يل دمعچ جمر
    وخدودچ احلى أورود ..
    خايف على اخدودچ من دموع العين ..
    لا تبچين ..
    وردة وتحترك ما تحمل النيران ..
    يذبل كل ورگها وتستحي من الطين ..

    هي / وانت تگلي لا تبچين ..؟
    مو عمري انتهى .. وايامي كلها أتروح ..
    لو راح العمر متگلي اجيبه أمنين ..؟

    هو / لا تبچين ..
    المن بعد المن تسوه دمعه أتطيح ..
    هو اشباقي بينا
    ونحترگ كل حين ..
    تعبنا القهر ممشى جزيرة وخوف ..
    صار الماضي غلطه وچنه غلطانين !!
    لا تبچين لو يسوه العمر يمكن بچينا اسنين ..

    هي / اشلون اتگلي لاتبچين ..

    هو / لا تبچين ..!!

    هي / تدري انت اليحب
    ما يگدر اعله النار ..
    ويا نار اللي بيَّه أتفزز الميتين ..
    احتاج الدمع من ما اشوفك يوم ..
    لأن يصبح عليَّ اليوم خمس سنين ..!!
    حبيبي لخاطري ..
    لا تبتعد ارجوك
    ما احمل فراگك ..
    تدري كلش زين ..

    هو / بس ارجوچ لاتبچين ..
    خوفي آنه عليچ من الدمع والله ..
    مرات الدمع
    ياخذ حلاة العين ..
    ويل كلچ ترافه ارجوچ لا تبچين
    avatar
    سوني مشكلة
    Admin

    المساهمات : 26
    تاريخ التسجيل : 05/09/2010
    العمر : 25

    رد: عتاب بين حبيبــــــــــــين

    مُساهمة  سوني مشكلة في الثلاثاء سبتمبر 07, 2010 12:14 pm

    thaksssss love



    عاشت الايادي حمودي انتضر جديدك Basketball

    الاميرة لولو

    المساهمات : 9
    تاريخ التسجيل : 06/09/2010

    رد: عتاب بين حبيبــــــــــــين

    مُساهمة  الاميرة لولو في الثلاثاء سبتمبر 07, 2010 12:25 pm

    يسلموووووووووووووووو قصيدة رائعة ننتظر الاروع وردة Smile

      الوقت/التاريخ الآن هو الإثنين نوفمبر 20, 2017 12:00 pm